Қазақстан құрамасы Әзірбайжанға есе жіберді

Венгрияның Сомбатхей қаласында жолдастық кездесу өткізген Қазақстан құрамасы жеңіліс тапты, деп хабарлайды Sport Plus Qazaqstan

Бұл аяқдопшыларымыз үшін FIFА үзілісі аясындағы екінші жолдастық матч еді. Қазақстан құрамасы Әзірбайжан командасына 3:2 есебімен жеңілді.

Ойынның екінші минутында Ян Вороговский гол соғып, есепті ашты. Бірінші таймда Максим Самородов тағы бір гол соғып үлгерді.

Бірақ тайм соңына қарай қарсылас алға ұмтылып, гол соқты. Нәтижесінде ойын аяқталғанша біздің қақпаға үш допты дәл тигізді.

Алғашқы матчта да Қазақстан командасы Арменияға 2:1 есебімен ұтылған еді.