«Қайрат» ойыншысы Беларусь құрамасына сенсациялық жеңіс сыйлады

8 қыркүйек күні Беларусь құрамасы Ұлттар Лигасы аясында сырт алаңда Люксембург құрамасын ұтты, деп хабарлайды Sport Plus Qazaqstan.

Люксембургтегі матчта беларусиялықтар 1:0 есебімен жеңіске жетті. Ойындағы жалғыз әрі жеңісты голды 76-минутта «Қайраттың» жартылай қорғаушысы Валерий Громыко соқты.

Бұл жеңістің арқасында Беларусь құрамасы Ұлттар Лигасының С дивизионының 3-тобында турнирлік кестеде бірінші орынға шықты: екі матчтан кейін олардың еншісінде төрт ұпай бар.