Астана 2027 жылы бокстан әлем чемпионатын қабылдайды

Халықаралық World Boxing федерациясы 2027 жылғы бокстан әлем чемпионатының Астанада өтетінін ресми түрде жариялады, деп хабарлайды Sport+.

Бұл маңызды оқиға 2028 жылы Лос-Анджелесте (АҚШ) өтетін Жазғы Олимпиада ойындары қарсаңында ұйымдастырылады және әлемнің үздік боксшылары үшін төртжылдықтың басты спорттық жарысына дайындықтың негізгі кезеңі болмақ.

Қазақстан Ұлттық Олимпиада комитетінің президенті және World Boxing Олимпиада комиссиясының төрағасы Геннадий Головкин елге артылған сенім үшін алғыс білдірді.

Бұл Қазақстанда өтетін бокстан екінші әлем чемпионаты болмақ. Алғаш рет әлемдік біріншілік 2013 жылы Алматыда ұйымдастырылып, тек ерлер арасында өткен еді.