Андрей Шутов «Барыс» сапына қосылды
Елордалық «Барыс» шайбалы хоккейден Қазақстан ұлттық құрамасының қақпашысы Андрей Шутовпен келісім-шартқа қол қойды. Келісім-шарт 2027 жылдың 31 мамырына дейін жасалған, деп хабарлайды Sport+ Kazinform сайтына сілтеме жасай отырып.
Қақпашы «Барыс» жүйесінде төрт жылдан астам уақыт өткізді. Өткен маусымда ол Құрлықтық хоккей лигасының тұрақты чемпионатында барлығы 2000 минут мұзайдынға шықты.
Андрей Шутов 1998 жылы 4 наурызда Өскемен қаласында дүниеге келген. Құрлықтық хоккей лигасы тұрақты чемпионатында 39 ойын өткізді. Сондай-ақ ол биыл Чехияда өткен әлем чемпионатында 6 матчта мұзайдынға шықты.
Биыл Словакияның «Слован» командасына ауысып, онда 15 ойын өткізіп қайтты.
