Қазақстан әйелдер құрамасы Азия чемпионатына қатысады
Әйелдер командалары арасындағы хоккейден Азия чемпионаты 31 қазан мен 3 қараша аралығында Бейжіңде өтеді, деп хабарлайды Sport+.
Қазақстан құрамасының қарсыластары Қытай, Корея және Жапония командалары болмақ. Турнир алдында қысқа мерзімді оқу-жаттығу жиыны және 27 қазанда алаң иелерімен жолдастық матч жоспарланған.
Қазақстан құрамасының Азия чемпионатындағы ойын кестесі:
- 31.10.2024, 16:30 – Қытай - Қазақстан
- 01.11.2024, 13:00 – Жапония – Қазақстан
- 02.11.2024, 13:00 – Қазақстан – Корея
Айта кету керек, Азия турнирінде әйелдер командалары арасында жоғары бәсекелестік күтіледі, себебі Жапония әлем чемпионатының топ-дивизионында ойнайды, Қытай құрамасы бірінші дивизионның А тобында, ал Корея мен Қазақстан құрамалары бірінші дивизионның В тобында өнер көрсетеді.
