Жәнібек Әлімханұлы мен Хамза Шираз ақпанда жұдырықтасады

Кәсіпқой бокста әлі жеңіліп көрмеген британдық Хамза Шираз (21-0, 17 КО) келесі жекпе-жегін 22 ақпанда өткізетіні белгілі болды. Бокс кеші Эр-Риядта (Сауд Арабиясы) өтеді, деп хабарлайды Sport +.

Спорт инсайдері Майкл Бенсон промоутер Фрэнк Уорренмен сөйлескеннен кейін осындай ақпарат таратты. Ол Шираздың қарсыласы орта салмақтағы әлем чемпионы болатынын, бірақ оның нақты кім екенін айтпаған. Десе де, Шираздың командасы дәл қазір қазақ Жәнібек Әлімханұлымен (16-0, 11 КО) келіссөздер жүргізіп жатқанын ескерсек, жекпе-жек те осы екеуінің арасында өтетіні сөзсіз. Жәнібек – IBF және WBO нұсқалары бойынша әлем чемпионы.

«Фрэнк Уоррен Хамза Шираздың келесі жекпе-жегі 22 ақпанда Эр-Риядта чемпиондық титул үшін болатынын айтты. Бірақ, жекпе-жек Жәнібек Әлімханұлына қарсы бола ма, әлде басқа чемпионмен бола ма, ол жағын айтпады», - деп жазды Бенсон X әлеуметтік желісінде.