Зайнутдинов «Зенитке» 7,5 млн еуроға ауысуы мүмкін еді

«Бешікташтың» бұрынғы бас хатшысы Каан Шакул Санкт-Петербургтің «Зенит» клубы 26 жастағы жартылай қорғаушы Бақтиер Зайнутдиновтың трансфері үшін қанша төлеуге дайын болғанын айтты, деп хабарлайды Sport+.

«Зенит» Зайнутдиновты қатты қалаған. Біз 7,5 млн еуро алуды жоспарладық, бірақ Бақтиер: «Мен Ресейге бармаймын. Тренерге өзімді дәлелдегім келеді», – деді», – деп Шакулдың сөзін журналист Ягыз Сабунчоғлы Х әлеуметтік желісінде (бұрынғы Twitter) жариялаған.

Айта кетейік, «Зениттің» Зайнутдиновқа қызығушылық танытқаны туралы ақпарат өткен жазда тараған болатын. Жартылай қорғаушы 2023 жылдан бері «Бешікташ» құрамында ойнап келеді. Ол бұл клубқа Мәскеудің ЦСКА командасынан ауысқан.