Украина құрамасының ойыншылары Румыниядан жеңілгеннен кейін бас бапкерді «қуып жіберді»

Украина ұлттық құрамасының футболшылары бас бапкер Сергей Ребровты Еуропа чемпионатының топтық кезеңінің 1-турында Румыниядан (0:3) жеңілгеннен кейін киім ауыстыратын бөлмеден шығуын сұрады, деп хабарлайды Sport Plus Qazaqstan.

Ойыншылар бұл жеңілістен кейін бапкерсіз әңгімелесуді шешті.

Айта кетейік, Румыния және Украина ұлттық құрамалары Еуро-2024 Е тобында өнер көрсетеді. Топтық кезеңдегі қарсыластары — Бельгия және Словакия құрамалары.

Келесі матчта Украина құрамасы Словакиямен кездеседі, ал Румыния Бельгиямен матч өткізеді.