Үйі өртенген: әйгілі UFC файтері Коулман тікұшақпен ауруханаға жеткізілді

UFC-дің бұрынғы «жауынгері» Марк Коулманның Фремонттағы үйі (Огайо) өртеніп, спортшы оқиға орнында есінен танып қалған, деп хабарлайды Sport Plus Qazaqstan.

Ол түн ішінде итінің үрген дауысынан оянып, шаңырағының қызыл жалынға оранып жатқанын байқаған. Спортшы ата-анасын үйден шығарып үлгерген, алайда итін құтқаруға шамасы жетпепті.

Осы оқиғадан кейін 59 жастағы Коулман тікұшақпен ауруханаға жеткізілген. 

Коулман UFC 10 және UFC 11 чемпионы, Pride Fighting Championships 2000 ашық салмақтағы Гран-при чемпионы. Коулман екінің біріне бұйыра бермейтін UFC Даңқ Залына енгенін атап өткен жөн.