Төрешіні ойыншымен соқтығысқаннан кейін ауруханаға жеткізді

НХЛ-дің тұрақты чемпионаты аясында өткен «Колорадо Эвеланш» пен «Филадельфия Флайерз» арасындағы матчтың алғашқы кезеңінде төреші Митч Даннинг «Колорадо» қорғаушысы Джош Мэнсонмен соқтығысып қалды, деп хабарлайды Sport+.

Соқтығысудан кейін Даннингті мұздан зембілмен алып кетіп, сақтық шаралары үшін ауруханаға жеткізді.

НХЛ баспасөз қызметінің мәліметінше, төрешінің барлық неврологиялық көрсеткіштері қалыпты, ол сөйлеуге және аяқ-қолдарын қозғалтуға қабілетті.

Ойын бір бас төреші және екі сызықтық арбитрмен жалғасты.