Санатәлі Төлтаевтың кәсіпқой бокстағы келесі қарсыласы белгілі болды
Қазақстандық боксшы Санатәлі Төлтаев 21 қыркүйекте Алматыда Irfin Promotiom бокс кешінде қырғызстандық Сардар Ақышевпен жекпе-жек өткізеді, деп хабарлайды Sport Plus Qazaqstan промоушеннің әлеуметтік желісіне сілтеме жасап.
Санатәлі Төлтаев — Қазақстан ұлттық құрамасының бұрынғы мүшесі, Әлем чемпионатының қатысушысы және әуесқойлар арасында Азия жүлдегері.
24 жастағы спортшы кәсіпқой мансабында алғашқы жекпе-жегінде жеңіске жетті.
Қарсыласы Сардар Ақышев кәсіби рингте 12 жекпе-жек өткізіп, 11 жеңіске жетті (8 — нокаутпен) және бір рет жеңіліске ұшырады. 31 жастағы спортшы — бокстан Қырғызстанның бірнеше дүркін чемпионы.
