Магомед Адиев «Ахматпен» келісім шартқа отырмақ

Футболдан Қазақстан құрамасының бас бапкері Магомед Адиев Грозный қаласының клубы «Ахматпен» келісім шарт жасауы мүмкін, деп хабарлайды Sport Plus Qazaqstan «Чемпионатқа» сілтеме жасай отырып.

Дереккөзге сүйенсек, бұл қызметке тағайындау 5 сәуір күні болмақ.

Жақында бас бапкер Мирослав Ромащенконың өз қызметінен кеткені белгілі болды.

Бұған дейін Магомед Адиев «Ахматтың» бапкерлік кеңесінде 2018-2019 жылдар аралығында жұмыс істеген. Оған қоса 46-жасар футбол маманы 2013-2017 «Теректің»дублін жаттықтырды. Қазіргі уақытта Адиев Қазақстан  ұлттық құрамасының бас бапкері қызметін атқарады. Ол бұл қызметте 2022 жылдан бері.