Бауыржан Байтана: Дұрыс ойын көрсетпесекте, ең маңыздысы – нәтиже

«Ақтөбе» футбол клубының жартылай қорғаушысы Бауыржан Байтана  Sport Plus Qazaqstan арнасына берген сұхбатында Қазақстан чемпионатының аясында «Жеңіске» (3:0) қарсы ойын туралы пікір айтты.

«Дұрыс ойын көрсетпесекте, ең маңыздысы – нәтиже. Өз жанкүйерлеріміздің алдында үш ұпай алдық, сондықтанда бәрі дұрыс деп ойлаймын. Келген қарсыластардың барлығы Ақтөбе қаласында қандай атмосфера екенін біледі. Әрдайым біздің жанкүйерлер соны дәлелдейді. Стадион кішкентай болсада, қолдау өте мықты. Жаңадан келген ойыншылар командаға жақсы қосылды. Барлық ойыншылардың деңгейі жоғары. Маусым әлі алда, сол себепті әрқайсысы өзінің көмегін тигізеді деген ойдамын. Барша қазақстандықтарды Рамазан айымен құттықтаймын!», - деді Бауыржан.