«Елімайдың» бұрынғы ойыншысы отанына оралды

Витебсктік «Макслайн» клубы 29 жастағы беларусь қорғаушысы Николай Золотовпен келісімшартқа отырғанын жариялады, деп хабарлайды Sport Plus Qazaqstan.

Бір аптадан астам уақыт бұрын беларусь футболшысы семейлік «Елімайдан» кеткен еді. Қазақстандық клуб үшін маусымның бірінші жартысында 8 матч өткізді. Бұрын қорғаушының мансабында беларусьтік «Витебск» және «Шахтер», ресейлік «Урал», француздық «Бастия» және украиндық «Колос» клубтары болған.