«Екібастұз» мен «Қыран» арасындағы футболдан QFL Бірінші лиганың матчы өтпейтін болды

«Биенвенидо, Мехико чемпейсейс» телеграм-арнасының мәліметінше, QFL Бірінші лиганың екінші турының ойыны болмайды, деп хабарлайды Sport Plus Qazaqstan.

«Екібастұз» бен «Қыран» арасындағы Бірінші лига матчы (11 сәуір, 16:00) өтпейтін болды. Қонақтар ойынға келген жоқ», — делінген дереккөз мәлімдемесінде.

Матчтың өтпеуіне қонақтар командасының ойынға келмеуі себеп болды. «Қыран» ойыншыларының келмеу себептері хабарланбайды. Егер қонақтар командасы ойынға себепсіз келмесе, Ережеге сәйкес оларға техникалық жеңіліс беріліп, ақшалай айыппұл салынады.