Дмитрий Парфенов: Барлығы жоспар бойынша, бірақ біз жаңа футболшыларды күтудеміз
«Ақтөбенің» бас бапкері Дмитрий Парфенов Sport Plus Qazaqstan телеарнасына берген сұхбатында «Шинникке» қарсы өткен бақылау матчы туралы өз пікірімен бөлісті.
- Көп ұзамай чемпионат басталады, сол себептен алаңда сондай дәрежеде ойнауды сұрадық. Мен көп нәрсені көрдім, бірақ ең бастысы - бұл командалық әрекеттер, командалық рух болды, жігіттер бір-бірін толықтырды.
- Команданың жаңадан келген футболшылары туралы не айта аласыз?
- Жаңадан келген ойыншыларға бейімделуге уақыт керек, уақыт бізде әлі де бар, сондықтан мен біреуді бөлек атап өткім келмейді. Ойыншылар ойнауы керек, бір-бірімен ортақ тіл тауып, қарым-қатынасты дұрыстау керек. Барлығы жоспар бойынша жүріп жатыр, бірақ біз жаңа футболшыларды күтудеміз, олармен кілісімшарттар бар, бірақ футболшылардың қатарға тез қосылғанын қалаймын.
- «Ақтөбе» орындауында қандай футбол көргіңіз келеді?
- Әзірге ұрандатудан бас тартайық, бірақ мен команданың ойын тізгінін ұстап, басымдылық көрсеткенін қалаймын. Маусым барысында әр түрлі матчтар болатыны анық, бірақ клубтың дәстүрі бар, біз бұл туралы басшылықпен сөйлестік.
