«Ақтөбенің» капитаны елордалық командаға ауысты

«Ақтөбе» жастар командасының капитаны Диас Андырмаш елордалық «SD Family» командасының құрамын толықтырды, деп хабарлайды Sport Plus Qazaqstan.

«Ақтөбе» жастар командасының үздік ойыншыларының бірі Диас Андырмаш астаналық ұжыммен бір жылға келісімшарт жасасты. Өткен маусымда ол Бірінші лига аясында 25 ойын өткізіп, 7 гол соқты, сонымен қатар 4 нәтижелі паспен көзге түсті.

22-жасар Андырмаш «Ақтөбенің» бас командасының сапында Қазақстан кубогының екі ойынына қатысты.  

Диас шабуылдаушы жартылай қорғаушы позициясында ойнайды.