Ерасыл Мұхтарұлы: дайындығым аз болды

Бішкектегі Азия іріктеу турнирінің алғашқы белдесуде үнді балуанына ұтылған Ерасыл Мұхтарұлы жеңілісіне не әсер еткенін айтты,  деп хабарлайды Sport Plus Qazaqstan.

57 келі салмақ дәрежесіндегі бірінші айналымда Мұхтарұлы бірінші кезеңде 6:0 есебімен ұтылып, екінші кезеңнің басында қарсылас таза жеңіске жетті.

Бәсеке мен үшін психологиялық тұрғыда қиын болғаны рас. Дайындығым аз болды. Салмақ қуған соң қалпыма келуім қиынға түсті.

Үндістандық спортшының физикалық тұрғыда мықтырақ екені рас. Қайталап айтамын, маған дайындық жағы жетіспей қалды.

Қарсыласым жақсы балуан, алайда күресіп көрмегенмін, - деді Е.Мұхтарұлы.

Айта кетейік, Маис Алиев 65 келіде  Палестина балуанын таза жеңді. Жалпы саны 1/4 финалға 4 Қазақстан балуаны шықты.