«Брага» экс-футболшысы «Қайратқа» жеңіс сыйлады

Қазақстан чемпионатының 3-туры аясында алматылық «Қайрат» сырт алаңда түркістандық «Тұранды» жеңді, деп хабарлайды Sport+.

Есепті бірінші таймда алаң қонақтары ашты. Георгий Зария пенальтиді сәтті орындап, гол соқты. 

Екінші таймда «Қайрат» қорғаушысы Александр Широбоков алаңнан қуылды. Содан кейін «Тұран» есепті теңестіре алды. Нәтижелі соққының авторы Игорь Стасевич. 

75-минутта «Қайраттың» португалдық шабуылшысы Жоржинью жеңіс голын соғып, кездесуге нүкте қойды.