Жартылай финалға жолдама үшін шайқас. Англия кубогындағы «Фулхэм» - «Кристал Пэлас» матчы тікелей эфирде

Англияда ел кубогының шешуші кезеңдері басталады, ал жартылай финалға жолдама үшін алғаш болып «Фулхэм» мен «Кристал Пэлас» алаңға шығады.  

Екі команда да керемет формада. «Фулхэм» соңғы 10 матчтың 7-еуінде жеңіске жетсе, «Кристал Пэлас» 8 рет жеңіс тойлады.  

Жалпы, «Фулхэм» үшін бұл маусым өте сәтті өтуде. Марку Силваның шәкірттері еурокубоктарға жолдама алу үшін күресті жалғастырып, Чемпиондар лигасы аймағынан небәрі 4 ұпайға қалып келеді. Сонымен қатар, олар өз алаңында тамаша ойын көрсетуде — соңғы 10 үй матчында тек 2 рет жеңілді.  

Оливер Гласнердің командасы да жеңісті сериясын жалғастыруға ниетті. Соңғы 4 кездесуде олар небәрі 2 гол ғана жіберді.  

Команда сапына басты сұрмергені Жан-Филипп Матета оралды. Ол бас жарақатынан толық айықты.  

Бұл маусымда командалар АПЛ аясында кездескен болатын. Ол кезде «Кристал Пэлас» 22 ақпанда сырт алаңда 2:0 есебімен жеңіске жеткен еді.  

Келесі матч 29 наурыз күні сағат 17:15–те өтеді. Тікелей трансляция sportplustv.kz сайтында қолжетімді болады.