Бішкектегі лицензиялық турнирде Қазақстанның үш балуаны жартылай финалға шықты
Бішкектегі лицензиялық турнирде Қазақстанның үш балуаны жартылай финалға шықты, деп хабарлайды Sport Plus Qazaqstan.
74 келіде Нұрқожа Қайпанов пәкістандық балуанды бір минутқа жеткізбей таза жеңді. Енді оны ирандық спортшымен кездесу күтіп тұр.
125 келіде Юсуп Батырмырзаев кілем қожайыны Аял Лазаревті жауырынын жер иіскетіп, мерзімінен бұрын жеңіске жетті. Жартылай финалда ол Бахрейн өкілі Шариповпен белдеседі.
97 келіде жарысты 1/4 финалдан бастаған Әлішер Ерғали жергілікті спортшы Ароновты ұтты. Келесі кездесуде Қытайдың атынан күресетін этникалық қазақ Хабиламен күш байқасады.
Жартылай финалда жеңіске жеткен балуандарға Париж Олимпиадасына жолдама беріледі. Жартылай финал сағат 17:00де басталады.
