Жоғары деңгейде дайындалып жатырмыз: Бағдат Қайыров
Футболдан Қазақстан ұлттық құрамасының ойыншысы, «Ақтөбе» командасының қорғаушысы Бағдат Қайыров 31 наурызда өтетін «Жеңіске» қарсы ойынға дайындық барысымен бөлісті, деп хабарлайды Sport Plus Qazaqstan.
- «Ақтөбе» Қазақстан чемпионатының кезекті турында «Жеңіске» қарсы ойын өткізеді. Бұл ойыннан не күтесіз?
- Клубтың алға қойған мақсаттары биік. Ішкі біріншілікте жоғары нәтиже көрсету үшін көтеріңкі көңіл күймен жоғары деңгейде дайындалып жатырмыз. Бапкерлік штаб нұсқауларын айтып жатыр. Бұл мачты асыға күтудеміз. Сондай-ақ барша жанкүйерімізбен қауышуға асықпыз.
- Команда сапына көп жаңа футболшылар келіп қосылды. Футболшылардың командада бейімделуі қалай өтуде?
- Иә, биыл Ақтөбе сапы жаңа ойыншылармен толықты. Үйренісуіне уақыт қажет. Біз оларға барынша көмектесіп жатырмыз. Алда үлкен маусым тұр. Сол үшін ойында бәріміз бір атаның балаларындай жұмылып, жеңіске жетуіміз керек.
Айта кетейік, «Ақтөбе» мен «Жеңіс» арасындағы матч тікелей эфирде 31 наурызда сағат 14:00-де Sport Plus Qazaqstan телеарнасы мен sportplustv.kz сайтында қолжетімді болады.
