«Барыс» клубының бас менеджері Болыкин Жафяровтың трансфері туралы: Ол маңызды ойыншы болады деп үміттенеміз

«Барыс» клубы Дамир Жафяровпен келісім-шартқа қол қойды, деп хабарлайды Sport Plus Qazaqstan.

Ресейлік шабуылшымен бір жақты келісімшарт 2025 жылдың 31 мамырына дейін жарамды болады.

Жафяров КХЛ-да 650-ге жуық матч өткізді. Ол бұрын «Металлург» (Новокузнецк), «Сибирь» (Новосибирск), «Торпедо» және СКА командаларында ойнаған. Өткен маусымда Дамир «Ак Барста» (16 матчта 1+1), содан кейін «Авангардта» (37 матчта 4+15, плей-оффты қоса) ойнаған.

«Жафяровты ерекше таныстырудың қажеті жоқ. Оның ойындық қасиеттері Дэвид Немировскийге жақсы таныс, ол кезде Дамир «Торпедода» көшбасшылардың бірі болды. Біз «Барыста» да ол маңызды ойыншы болып, нәтижеге қол жеткізе алатынына үміттенеміз», - деді «Барыстың» бас менеджері Олег Болякин.