Эдди Паскуале «Барыстан» «Динамоға» ауыспайтын болды

Астаналық «Барыс» клубының канадалық қақпашысы Эдди Паскуале мәскеулік «Динамо» клубына ауыспайды, деп хабарлайды Sport Plus Qazaqstan.

Бұған дейін канадалық қақпашының мәскеулік клубқа қосылатыны туралы ақпарат таралған еді. Алайда журналист Михаил Зислис бұл ауысымның болмайтынын мәлімдеді.

Өткен маусымда Эдди Паскуале КХЛ-да 36 матч өткізіп, 4 жеңіске жетіп, орта есеппен 3,12 шайба жіберіп, 90,4% соққыны қайтарды.