«Астана» Конференция лигасының плей-офф кезеңіне шығу құқығы үшін Румыния кубогының иегерімен ойнайды. «Корвинул» — «Астана» ойынының трансляциясы

УЕФА Конференция лигасының үшінші іріктеу кезеңі аясында өткен жылғы Қазақстан чемпионатының күміс жүлдегері «Астана» Румыния Екінші лигасының қатысушысы, кубоктың иегері «Корвинул» командасымен ойнайды, деп хабарлайды Sport Plus Qazaqstan.

Румыния клубы өткен маусымда Екінші лигада күміс медальға ие болып, аталмыш елдің жоғарғы лигасында өнер көрсету құқығына ие болды, бірақ сертификаттау мәселелеріне байланысты Екінші лигасында тағы бір маусымға қалуға шешім қабылдады. Бұл ретте «Корвинул» Румыния Кубогының иегері атанды, соның арқасында ұжым Еуропа лигасына жолдама алды.

Хунедоара қаласының намысын қорғайтын клуб Еуропа лигасының іріктеу кезеңінің бірінші раундында венгриялық «Пакш» командасын сырт алаңда 4:0 есебімен жеңді. Қарымта ойындағы 0:2 есебімен тіркелген жеңіліс румыниялық ұжымға келесі раундқа шығуына әсер еткен жоқ. Жарыстың екінші кезеңінде «Корвинул» екі ойында хорватиялық «Риекадан» бір ғана гол жіберіп алып, әрі қарай өте алмады.

«Астана» жорықты Конференция лигасының екінші іріктеу кезеңінен бастады. Молдовалық «Милсамимен» өткен екі ойында Марин Томасовтың өз алаңында жасалған нәтижелі соққысы арқасында жарысты жалғастырды.

«Корвинул» — «Астана» матчы 8 тамызда сағат 23:00–де өтеді. Тікелей эфир Sport Plus Qazaqstan арнасында, сондай-ақ sportplustv.kz сайтында қолжетімді болады.