Назми Грипши: Көңіл-күй тамаша және команда ойынға дайын

«Астана» жартылай қорғаушысы Назми Грипши алдағы Конференция Лигасының үшінші іріктеу кезеңінде «Корвинулға» қарсы өтетін матч туралы пікір білдірді, деп хабарлайды Sport Plus Qazaqstan:

«Командада бәрі жақсы жүріп жатыр. Матч алдындағы көңіл-күйіміз керемет. Әсіресе, Конференция Лигасының келесі кезеңіне өтуіміз және чемпионаттағы жеңісімізден кейін. Сондықтан, көңіл-күй тамаша және команда матчқа дайын. Қарсыластың ойынын білеміз. Бұл оңай матч болмайтынын түсінемін, бірақ біз де жақсы дайындалдық. Сондықтан, өзіміздің қаншалықты мықты екенімізді көрсеткіміз келеді».