Артур Шушеначев «Хапоэльдің» камбэк жасауына көмектесті

«Хапоэль» (Беэр-Шева) Израиль чемпионатының чемпиондар жолы плей-оффының 31-турында «Бней Сахнин» командасын ұтты, деп хабарлайды Sport Plus Qazaqstan.

Беэр-Шевадағы кездесу 2:1 есебімен алаң иелерінің пайдасына аяқталды. 57-минутта қонақтар Басил Хуринің голы арқылы алға шықты. Сегіз минуттан кейін «Хапоэль» Дор Хугидің голы арқылы есепті теңестірді. Жеңіске жеткізген голды 84-минутта португалиялық Элдер Лопеш пенальтиден соқты.

Қазақстандық шабуылшы Артур Шушеначев «Хапоэль» құрамында негізгі құрамда шығып, ойынды толығымен ойнады. Енді оның есебінде израильдік клуб үшін 12 ойын және екі гол бар.

«Хапоэль» 58 ұпай жинап, кестеде үшінші орында жайғасып тұр.