Артур Шушеначев мансабын Кипрде жалғастырмақ

Кипрлік «Анортосис» клубы «Хапоэль» командасының қазақстандық шабуылшысы Артур Шушеначевке қызығушылық танытуда, деп хабарлайды Sport Plus Qazaqstan.

Кипрлік БАҚ-тың мәліметінше, егер «Анортосис» Шушеначевті сатып алуға шешім қабылдаса, олар «Хапоэльге» сатып алу опциясымен келісім ұсынады.

Шушеначев «Хапоэльдің» жоспарларына кірмейді, сондықтан клуб оған жаңа команда табуға үміттенуде.

Еске салайық, Артур Шушеначев 2024 жылдың ақпан айында алматылық «Қайраттан» «Хапоэльге» ауысқан болатын. Ол израильдік команда сапында барлық жарыстарда 20 матч өткізіп, екі гол соқты.