Артур Шушеначев Израиль чемпионатының қола жүлдегері атанды
«Хапоэль» Беэр-Шева сапында өнер көрсететін қазақстандық шабуылшы Артур Шушеначев Израиль чемпионатының қола жүлдегер атанды, деп хабарлайды Sport Plus Qazaqstan.
35-тур аясында көшбасшылар үштігінің соңында тұрған Беэр-Шеваның командасы «Маккаби» Хайфа клубынан 1:4 есебімен жеңіліп, 61 ұпаймен үшінші орында қалды. Қола медальмен бірге қазақстандықтың командасы Конференциялар лигасының іріктеу кезеңіне жолдама алды.
26 жастағы шабуылшы соңғы үш ойынды жарақатына байланысты өткізіп алды. Биылғы маусымда Артур израильдік клуб үшін барлық турнирлерде 14 матч өткізіп, екі гол соқты.
