«Жеңіс» ФК жаңа маусымға қойылған мақсаттар туралы айтылды

Астаналық «Жеңіс» клубының бас директоры Айдын Қожахмет команданың маусымға қойылған мақсаттарын атап өтті, деп хабарлайды Sport Plus Qazaqstan.

«Біз бір қысқа уақыттағы спорттық тапсырмаларды қарастырмаймыз. Біздің мақсаттарымыз сәл өзгеше. Егер спорттық мақсаттар туралы айтатын болсақ, онда біз Премьер-лигадағы өз орнымызды сақтап қалғымыз келеді. Бұл минималды міндет. Бірақ біз үшін басты мақсат - кез-келген қарсыласпен ойында жеңіске жету. Біз кімнің бізге қарсы ойнайтынына қарамай өз футболымызды ұстанғымыз келеді», - деді Қожахмет Sport Plus Qazaqstan тілшісіне берген сұхбатында.