SPORT+Qazaqstan УЕФА Конференция Лигасының іріктеу матчтарын көрсетеді

Sport+ Qazaqstan телеарнасы 1 тамыз күні УЕФА Конференция Лигасының іріктеу раундындағы «Астана» мен «Тобылдың» қарымта матчтарын көрсетеді, деп хабарлайды Sport Plus Qazaqstan.

«Астана» мен молдавалық «Милсами» 19:00-де басталады. Бұл жолы Алматыда кездесетін командалардың алғашқы матчы 1:1 есебімен аяқталған еді.

Қостанайдың «Тобылы» өз алаңында швейцариялық «Санкт-Галленді» қабылдайды, басталуы 21:00-де. Бірінші кездесуде Швейцария ұжымы 4:1 есебімен жеңіске жетті. 

Сонымен қатар, 20:00-де Шымкентте «Ордабасы» «Дифферданжамен» (Люксембург) қарымта матч ойнайды. Алғашқы кездесуде Люксембург клубы 1:0 есебімен басым түскен. 

«Астана» мен «Тобыл» матчын Sport Plus Qazaqstan телеарнасы тікелей эфирде көрсетеді, сонымен қатар sportplustv.kz сайтынан да тамашалай аласыздар.