Нұрбол Жұмасқалиев: Қателіктерге қарамастан, біз тек алға ұмтыламыз

«Тобыл» бас бапкері Нұрбол Жұмасқалиев Конференциялар Лигасындағы «Санкт-Галлен» командасына қарсы жауапты ойын алдында баспасөз маслихатында журналистердің сұрақтарына жауап берді, деп хабарлайды Sport Plus Qazaqstan.

- Біз ертеңгі ойынға дайынбыз. Матчқа қатысатын құрам ертең белгілі болады.

- Нұрбол Жәрдемұлы, «Тобыл» Швейцариядағы екінші таймда үш қорғаушы схемасына көшті, бірақ, өкінішке орай, бұл схема нәтиже бермеді. Ертеңгі ойында қандай да бір өзгерістер күтуге бола ма, әлде сол тактиканы қолданасыз ба?

- Жалпы, біз бастапқыда бір схема бойынша ойнадық. Ертеңгі ойынға қатысты, қайталаймын, ертең алаңға кім шығатыны және қандай схема бойынша ойнайтынымыз белгілі болады.

- Сол ойыннан кейін БАҚ пен жанкүйерлер Миладинович пен басқа қорғаушыларды сынға алды. Бұл туралы не айта аласыз?

- Сын қалыпты жағдай, егер ол конструктивті болса. Біз бәріміз өз қателіктерімізді түсінеміз, оларды талдап, дұрыс қорытынды жасаймыз. Шешімді бапкерлер штабы қабылдайды. Қалай болғанда да, өткен қателіктерге қарамастан, біз тек алға ұмтыламыз. Ертеңгі ойынға кім жақсы дайын болса, сол ойнайды.

- Ертеңгі ойынға барлық ойыншылар дайын ба?

- Бірқатар ойыншылар жарақат алған немесе қатысуы күмәнді, бірақ біз ертеңгі ойынға лайықты құрамның дайын болатынына үміттенеміз.

- Жақында клубтың түлегі Александр Зуев «Тобылға» оралды. Ертең оның дебютін көреміз бе?

- Бұл ойын барысында белгілі болады. Оның ертеңгі ойында шығуы бізге көмектеседі деп үміттенемін.

Естеріңізге сала кетейік, «Тобыл» қарымта ойында 1 тамыз күні сағат 21:00-де Қостанайда швецариялық «Санкт-Галленді» қабылдайды. Бірінші ойынның есебі - 4:1 қонақтардың пайдасына аяқталған. Ойынның тікелей эфирін Sport Plus Qazaqstan телеарнасында, сонымен қатар sportplustv.kz сайтында тамашалауға болады.