Ислам Чесноков: Жақсы нәтиже көрсету үшін бар күшімізді саламыз
«Тобыл» жартылай қорғаушысы Ислам Чесноков УЕФА Конференциялар Лигасында «Санкт-Галленге» қарсы жауапты ойын алдындағы баспасөз-мәслихатында журналистердің сұрақтарына жауап берді, деп хабарлайды Sport Plus Qazaqstan.
— Ертеңгі ойынға дайынбыз және оң нәтиже көрсету үшін бар күшімізді саламыз.
— Ислам, БАҚ-та сенің клубтан жақында кететінің туралы жазылып жатыр. Егер «Тобыл» Конференциялар лигасынан шығып қалса, Қостанайдан кетуің мүмкін бе?
— Қазіргі уақытта мен «Тобыл» ойыншысымын, сондықтан алып-қашпа сөздерге түсініктеме берудің қажеті жоқ деп санаймын. Бар эмоциям, күшім және концентрациям ертеңгі күнге бағытталған.
— Команда ішінде көңіл-күй қандай?
— Қайталаймын, барлық жігіттер жақсы нәтиже көрсету үшін барынша тырысады.
— Клуб басшылығы командаға «Санкт-Галлен» матчында алға шығу үшін қандай да бір сыйақы уәде етті ме?
— Бірінші кезекте біз ақша үшін емес, жақсы футбол көрсетіп, жеңіске жету үшін ойнаймыз. Біз үшін осындай командаға қарсы өзімізді сынау мүмкіндігі деп ойлаймын.
— Ертең 0-3 есебімен артта қалып, камбэк жасай алатыныңызға қаншалықты сенесіз?
— Тағы да қайталаймын, бұл футбол, алаңда бәрі мүмкін. Ертеңгі ойын бәрін көрсетеді.
Естеріңізге сала кетейік, «Тобыл» 1 тамыз күні Қостанайда қарымта ойында швецариялық «Санкт-Галленді» қабылдайды. Кездесудің басталуы сағат 21:00-де. Бірінші ойынның есебі - 4:1 қонақтардың пайдасына аяқталған. Ойынның тікелей эфирін Sport Plus Qazaqstan телеарнасында, сонымен қатар sportplustv.kz сайтында және біздің YouTube-арнамызда тамашалауға болады.
