Шавкат Рахмонов өз қарсыластарына үндеу жасады
Қазақстандық файтер Шавкат Рахмонов жеңіліс көрмеген ирландиялық Иэн Гэрримен өтетін жекпе-жегі туралы ресми хабарландыруға өз пікірін білдірді, деп хабарлайды Sport+.
Өз мәлімдемесінде Рахмонов жартылай орта салмақ санатындағы басқа «топ» файтерлердің өзіндік қорқақтығын сынап, оларды октагонға шығуға деген құлшынысының жоқтығы үшін сынға алды.
«Мен өз дивизионыма қатты ренжідім. Белал, Леон, Колби, Камару, Джек, Шон — сіздер жанкүйерлердің сенімін ақтамадыңыздар. Өз сөзін іспен дәлелдеген жалғыз файтер — бұл Иэн, мен бұған құрметпен қараймын. Бірақ, Иэн, қуануға асықпа. Мен сенің «нөліңді» жою үшін келемін, содан кейін белбеу үшін айқасамын», — деп жазды Рахмонов әлеуметтік желіде.
I’m very disappointed in our division. Belal, Leon, Colby, Kamaru, Jack, Sean - you’ve all let fans down. The only one who backed up his words is Ian, and I respect that. But make no mistake, @iangarryMMA - I’m coming for your 0 and will fight for the belt after https://t.co/eE3Ps8aCoj
— Shavkat “Nomad” Rakhmonov (@Rakhmonov1994) November 16, 2024
