Шавкат Рахмонов пен DAR Team бапкері Усман Камараға қатысты сұраққа жауап берді

Шавкат Рахмонов пен DAR Team командасының бапкері Эдуард Базров Усман Камара туралы сұрақтарға жауап берді, деп хабарлайды Sport +.

Бапкер Meta-ratings.kz сайтына берген сұхбатында Усман Камарамен өткен келіссөздер барысында қандай қиындықтарға тап болғанын айтты.

«Мен жағдайды түсіндіріп өтейін, әйтпесе көпшілігі дұрыс түсінбеуде. 

Алғашқыда Камара Шавкатқа қарсы жекпе-жек өткізуге келісіп, дайындалу үшін Денвердегі бапкеріне аттанған. Бірақ біраз уақыттан соң белгісіз себептермен бас тартты. 

Содан кейін оған екінші рет ұсыныс жасалып, қайта келісті және жекпе-жектің бес раундтық екені белгілі болды. Бірақ ертесі ол тағы бас тартты», – деді Рахмоновтың бапкері Эдуард Базров.