Шавкат Рахмонов: Мен үшін ауыр жыл болды
Бүгін Лас-Вегастағы UFC-310 турнирінде жеңіске жеткен Шавкат Рахмонов (19-0) жекпе жектен кейінгі сұхбатында жеңіс жайында пікірін айтты, деп хабарлайды Sport+.
«Мен үшін ауыр жыл болды, түрлі жағдайлар орын алды. Соған қарамастан, шамам келгенше дайындалдым. Иэн Гэрри жақсы қарсылас, тең дәрежедегі жекпе-жек болды деп ойлаймын. Маған қолдау көрсеткен Қазақстан халқына рахмет! Алға, Қазақстан!
Енді белдік үшін Белал Мухаммадпен шығамыз деген үміттемін. Белал, келсейші, айналайын!», — деп қарсыласын ортаға шақырды.
