Қазақстандық балуан Венгриядағы турнирді жеңіспен бастады
Бүгін, 6 маусым күні, Будапештте (Венгрия) ірі халықаралық күрес турнирі басталды. Қазақстандық балуан Әлішер Ерғали осы турнирді сәтті бастады, деп хабарлайды Sport Plus Qazaqstan.
Ерғали Венгрияда 97 келіге дейінгі салмақта өнер көрсетеді. Алғашқы белдесуінде ол түркиялық Ибрагим Чифтчиге қарсы шықты. Қазақстандық балуан 4-1 есебімен жеңіске жетті.
Айта кетейік, бұл рейтингтік турнирде көптеген танымал балуандар, соның ішінде қазақстандықтар Азамат Даулетбеков, Ризабек Айтмұхан, Юсуп Батырмурзаев та қатысуда.
