Ризабек Айтмұхан: Нұрғайыпұлы – өте мықты балуан. Оған алдағы жекпе-жекте сәттілік тілеймін

Еркін күрестен әлем чемпионы Ризабек Айтмұхан NAIZA және AMC Fight Night бірлескен турнирінде Нұрғали Нұрғайыпұлының жекпе-жегі туралы пікір білдірді, деп хабарлайды Sport Plus Qazaqstan:

«Нұрғали Нұрғайыпұлы - еркін күрестің шебері, өте мықты балуан. Мен онымен Қазақстан чемпионатында бір рет күрестім. Жеңісімнен кейін ол маған келіп: «Ризабек, осындай жастардың біздің жолымызды қуып келе жатқанына өте қуаныштымын» деді. Мен Нұрғалиға алдағы жекпе-жекте сәттілік тілеймін. Алла оған қуат берсін және біздің елімізге ұлы жеңіс әкелсін»

Жекпе-жек 18 мамыр күні Алматыда өтеді.