Қазақстан жастар құрамасының шабуылшысы испандық клубқа ауысты
Қазақстан жастар құрамасының шабуылшысы Данил Анкудинов Испанияның үшінші дивизионында өнер көрсететін «Менсахера» клубымен келісімшартқа отырды, деп хабарлайды Sport Plus Qazaqstan.
Келісімшарттың мерзімі белгісіз. Анкудинов «Менсахерамен» бір апталық қаралымнан кейін келісімшартқа қол қойды.
Бұған дейін Анкудинов мәскеулік «Родина-2», молдовалық «Шериф», армяндық «Ван», литвалық «Джюгас» және белорусиялық «Днепр» клубтарында ойнаған. 21 жастағы футболшы Молдованың екі дүркін Кубок иегері және екі дүркін чемпионы. Анкудинов Қазақстанның 21 жасқа дейінгі құрамасында үш матч өткізген.
