«Қайрат» қыркүйекте «Зенитпен» жолдастық матч өткізуі мүмкін

7 қыркүйекте «Қайрат» Алматыда Санкт-Петербургтің «Зенитіне» қарсы жолдастық матч өткізуі мүмкін, деп хабарлайды Sport Plus Qazaqstan.

«Қыркүйек айында «Зенит» Алматыда «Қайратпен» жолдастық матч өткізуі мүмкін. Қазақстандық клуб биыл 70 жылдық мерейтойын атап өтуде. 15 турдан кейін Александр Кержаков жаттықтыратын команда ел чемпионатында 2-орында, Дмитрий Парфенов басқаратын «Ақтөбеден» бір ұпайға артта қалып отыр. «Қайрат» – «Зенит» матчының мүмкін болатын күні – 7 қыркүйек», – деп жазады дереккөз.