Qazaqstan Barysy Grand Slam: жүлде қоры 154 мың еуро

Бүгін, яғни 10 мамырда Астана қаласында ерлер мен әйелдер арасында дзюдодан Qazaqstan Barysy Grand Slam әлемдік турнирі болады, деп хабарлайды Sport Plus Qazaqstan.

Биыл Астана татамиінде олимпиада чемпиондары мен жүлдегерлері Соне Акира, Рафаэль Сильва, Аарон Вольф, Идалис Ортис, Цэнд-Очир Цсогтбаатар, Ан Баул, әлем чемпиондары мен жүлдегерлері, Grand Slam және Grand Prix жарыстарының жеңімпаздары бақ сынайды.

Бұл жарысқа әлемнің 84 елінен 500-ге жуық дзюдошы қатысады деп жоспарланған. Жалпы жүлде қоры – 154 мың еуро.

Айта кетсек, бұл жарыс — 2024 жылғы Парижде өтетін жазғы олимпиада ойындарының алдындағы соңғы Grand Slam кезеңі.

Жақсылық Үшкемпіров атындағы жекпе-жек сарайында өтетін турнирге кіру тегін.