«Қайрат» португалиялық легионермен келісімшартқа отырды

«Қайрат» португалиялық шабуылшы Жорже Габриэл Кошта Монтейрумен (Жоржиньо) келісімшартқа отырғанын жариялады, деп хабарлайды Sport+.

Келісімшарт 2026 жылдың соңына дейін есептелген.

Жоржиньо – Португалияның «Брага» клубының түлегі. Отанында «Селейруш», «Мерелиненсе», «Фафе», «Санжуаненсе» және «Певидем» командаларында өнер көрсеткен.

Өткен жылы шабуылшы Люксембургтің «Дифферданж 03» клубына ауысып, екі маусым бойы керемет нәтижелілік танытты. Ол ел чемпионы атанып, чемпионаттың үздік сұрмергені болды:

– 2023/24 маусымы: 32 матч, 28 гол, 5 ассист;
– 2024/25 маусымы: 19 матч, 17 гол, 10 ассист.