«Қайрат» Алматыда алғашқы оқу-жаттығу жиынын бастайды

16-28 желтоқсан аралығында «Қайрат» клубының спорт базасында алғашқы оқу-жаттығу жиыны өтеді, деп хабарлайды Sport+.

Бұл жиынға тек қазақстандық футболшылар қатысады. Легионерлер командаға қаңтар айында қосылады.

Темірлан Анарбеков пен Александр Широбоков жаттығуға қаңтарда кіріседі, өйткені олардың демалысы маусымның кеш аяқталуына байланысты ұзартылған. Әділет Садыбеков айқыш байламы жарақатынан жазылу үшін жеке бағдарлама бойынша дайындық жүргізуде.

Алматыдағы алғашқы жиынға қатысушылар тізімі:

Қақпашылар:

Ильдар Мендіғалиев, Шерхан Қалмұрза, Ефим Аитов.

Қорғаушылар:

Дамир Қасабулат, Лев Кургин, Еркін Тапалов, Сұлтан Асқаров, Александр Мрынский, Амирбек Базарбаев, Әлихан Исраилов, Эльхан Саидов, Данияр Ташпұлатов.

Жартылай қорғаушылар:

Олжас Байбек, Рамазан Каримов, Әбілхайыр Абдрахманов, Азамат Тұяқбаев.

Шабуылшылар:

Рамазан Бағдат, Дастан Сатпаев, Артем Литош, Әлібек Нұрбекұлы, Исмаил Бекболат.