Польша агенті Хайдучек Георгий Жуков туралы: Ол «Пущаға» көшбасшы ретінде келді

Қазақстандық жартылай қорғаушы Георгий Жуковтың польшалық «Пуща» клубындағы рөлі туралы Sport+ телеарнасындағы «Футбол плюс» бағдарламасында бұрынғы «Астана-1964» ойыншысы, қазіргі футбол агенті Павел Хайдучек пікір білдірді.

— «Пуща» тактикалық тұрғыдан жақсы дайындалған команда, олар стандарттарға үлкен мән береді. Бапкер барлық ойыншылардан алаңда бар күшін салуды талап етеді, әрдайым күреске араласуды сұрайды. Жуков үшін бұл команда — мансабын жалғастыруға өте қолайлы нұсқа. Себебі ол өз техникасы, ойлау қабілеті мен тәжірибесі арқылы командаға үлкен пайдасын тигізеді.

Неліктен осындай баға беремін? Өйткені «Гурник Забже» клубына қарсы ойында, есеп 0:1 болып тұрғанда, Георгий алаңға шықты, команда есепті теңестіріп, матч 1:1 аяқталды. Осыдан кейін ол «Лехия Гданьскке» қарсы ойында негізгі құрамда шықты, ал «Пуща» 2:0 есебімен жеңіске жетті. Жуков негізгі құрамда шыққан кезде, «Пуща» жақсы нәтиже көрсетеді.

— «Пуща» сапында Жуков қандай рөлде ойнайды?

— Бұл нақты ойынға байланысты тактикаға тәуелді. Жуков көбіне «ондық» (плеймейкер) және «сегіздік» (орталық жартылай қорғаушы) позицияларында ойнайды. Ол, әрине, барлық ойыншылар секілді қорғанысқа көмектеседі, бірақ оған шабуылда еркіндік беріледі. Жуков «Пущаға» көшбасшы әрі тәжірибелі футболшы ретінде келді.

«Футбол плюс» бағдарламасының толық шығарылымын төменде тамашалай аласыз.