Ардақ Сәулет бапкер Әли Әлиевтің басты ерекшелігін атады

Елордалық «Жеңіс» қорғаушысы Ардақ Сәулет Sport+ телеарнасындағы «Футбол плюс» жобасының қонағы атанып, Қазақстан құрамасының бас бапкерінің міндетін атқарушы Әли Әлиев туралы пікір білдірді.

«Али Ханалиевич туралы көп айтуға болады. Ол — өте ерекше бапкер, бірақ менің ойымша, қазақстандық мамандар арасында ең үздіктердің бірі. Ол маған футболда көп нәрсені ашты. Мен одан тактикалық тұрғыда да, өмірде де көп нәрсе үйрендім.

Ерекшелігі? Ол «Хайквалити, класс А» деген сөздерді жиі айтады. Футболшылардың деңгейін көтеруін қалайды, қазақстандықтардың легионерлерден үйреніп, оларға жетуге тырысуы маңызды деп санайды. Сонымен қатар, Әлиев сандарға қатты мән береді — тек гол мен пас қана емес, сонымен бірге секірулердің, жылдам қозғалуды, бір сәтте тоқтаудын санын да есептейді. Ол бәрін егжей-тегжейлі талдайды. Меніңше, бұл оның басты ерекшеліктерінің бірі», — деді футболшы. 

Айта кетейік, Ардақ Сәулет екі маусым бойы Әлиевтің жетекшілігімен «Қызылжар» командасының сапында өнер көрсетті.

«Футбол плюс» бағдарламасының толық шығарылымын төмендегі плеер арқылы тамашалай аласыздар.