«Оқжетпес» сәтсіз сериясын үзe ме? «Тобыл» – «Оқжетпес» матчының трансляциясы
Футболдан Қазақстан Премьер-лигасының 17-туры аясында «Тобыл» өз алаңында «Оқжетпесті» қабылдайды.
Ринат Алюетов командасы «Қайраттан» қатарынан екі рет жеңілгеннен кейін Қостанайға жаралы арыстанның кейпінде келеді. Алайда «Тобыл» үшін де бұл матчтың маңызы зор. Команда турнир кестесінде қауіпті аймақтан алыстап, ұпай қорын толықтыруға тырысады.
Қостанайлықтардың пайдасына өзара кездесулер тарихы сөйлейді. Соңғы он жылда «көкшеліктер» Қостанайда бірде-бір рет жеңіске жете алған жоқ.
«Оқжетпес» бұл жолы сәтсіз сериясын тоқтата ала ма?
Матч сағат 20:00–де басталады. Кездесудің тікелей трансляциясы Sport+ телеарнасында және sportplustv.kz сайтында көрсетіледі.
