Мұхтархан Ділдәбеков турнирі өтеді

Бокстан Олимпиада және әлем чемпионатының күміс жүлдегері Мұхтархан Ділдәбековтің жүлдесіне арналған жастар арасында ХІІ халықаралық турнир өтеді, деп хабарлайды Sport Plus Qazaqstan

Дәстүрлі дода 24-28 маусым аралығында Түркістан облысы Төле би ауданындағы "Алматау" спорттық базасында өтпек. Дәл осы жерде Қайрат Сәтжанов бастаған Қазақстан жастар құрамасы бірнеше аптадан бері оқу-жаттығу жиынын өткізуде. Жарысқа Ресей, Грузия, Катар, Қырғызстан, Өзбекстан, Тәжікстан және Қазақстан боксшылары қатысады деп күтілуде.

Қазақстан командасының бапкерлік кеңесі алдағы әлемдік додаларға дәл осы турнирде жаңа құрам іріктеуді жоспарлауда.