Максим Мусоров британиялық клубқа ауысуы жайында пікірін білдірді

Хоккейден Қазақстан құрамасының шабуылшысы Максим Мусоров Sport Plus Qazaqstan тілшісіне берген сұхбатта «Файф Флайерс» британиялық клубына ауысуы жайында айтты: 

Шотландияға ауысу ұсынысы әлем чемпионатынан кейін туындады. Біз Коля Шульгамен бірге Чехияда еуропалық командалардың ойынын тамашаладық. Олардың стилі қатты ұнады. Олар шайбамен ойнайды, артқа шегінбейді, қателесуден қорықпайды. Жалпы адамға қателесу тән, спорттық ойындар да дәл солай. Тек уақытылы қателіктерді түзеп, қайталамау маңызды. Осылайша, чемпионаттан кейін агентпен сөйлестік. Құрлықтық Кубок кезінде бізге көз салғанын білдік, нәтижесінде Шотландияда өз шамамды байқап көрейін дедім.