«Каспий» Қазақстан кубогының негізгі кезеңіне өтті

Ақтаудың «Каспий» командасы Қазақстан кубогының алдын ала кезеңінің жеңімпазы атанып, турнирдің негізгі кезеңіне жолдама алды, деп хабарлайды Sport+.  

Финалда «Каспий» «Ертісті» 3:0 есебімен жеңді. Гол авторлары — Мирас Тұрлыбек және дубль жасаған Бақдаулет Көңлімқос.  

«Каспийден» бөлек, негізгі кезеңге алдын ала раундтан өткен тағы бір команда — 22 наурыз күні «Екібастұзды» жеңген «Хан Тәңірі».