Максим Самородов: Қарсылас қателіктеріміз үшін бізді кешірмеді

Қазақстан құрамасының шабуылшысы Максим Самородов Уэльске қарсы өткен ойындағы (3:1) жеңілістен кейін өз пікірін білдірді, деп хабарлайды Sport+.

«Ұпай алуға тырыстық, бірақ сәл жетпей қалды. Өзіміз жіберген қателіктер болды, сондықтан олар бізді кешірмеді — валлийліктер мүмкіндіктерін бірден пайдаланып кетті. Дегенмен, Уэльс — осал қарсылас емес.

Жанкүйерлерге қолдау көрсеткендері үшін алғыс айтқым келеді. Қай жерде болсақ та, олар әрқашан бізді қолдайды. Бүкіл команда атынан үлкен рақмет!» — деді Максим ҚФФ баспасөз қызметіне берген сұхбатында.

Қазақстан құрамасы келесі матчты 26-27 наурызға қараған түні Лихтенштейнге қарсы өткізеді.